मनःशांती..दृष्टिकोन आपला,नजर आपली.

आज गेले होते खरेदीला ला..

"मनशांती" कुठे मिळते का ते बघायला...

**********************

एक दुकानदार म्हणाला, "आमच्या कडे नाही..

त्या समोरच्या दुकानात विचारा"

तिथे जाऊन चौकशी केली तर..

दुकानदार  हसून  म्हणाला ..

"अस  काही विचारा जे  समजेल  मला"

***********************

अशी दोन चार दुकान शोधून झाली....

मनशांती कुठेच नाही मिळाली..

***********************

अचानक.......

एका दुकानाच्या बाहेर लिहली होती पाटी 

फक्त नाव सांगा 

पाहिजे ते मिळेल.......

वाचून खूप आनंद झाला😊

विचारून तर बघू 

आहे की नाही 

हे तरी कळेल....

*******************

दोन पायरी वर गेल्यावर

दुसरी पाटी दिसली

😊हसत मुखाने आत या

"लिहल होत त्यावर"

 बाहेरच  ठेवा  तुमचा

 "राग  आणि  तेवर"😡🤨

***********************

वाचून थोडा विचार केला

बघू तरी करून.....

चप्पल👡बरोबर काढून ठेवला

 मनाचा एक  टोचणार त्रिकोण....🔺

*********************

दार आत ढकला

 लिहल होत 

पुढच्या पाटीवर...⤴️

मनाचा पण कप्पा  

हलकेच उघडा 

आपल्या हिमतीवर...🥰💪🏿

********************

आत  गेल्यावर  बघितल

पाण्याने भरले होते 

 अर्धे अर्धे ग्लास

लिहल होत पाटीवर..

*अर्ध पिऊन वाया घालवायच की..🤔

अर्ध पिऊन समाधान मानायचं..*😌😌

***********************

शॉपिंग साठी

एक,एक पिशवी

 अडकवलेली...

किंमत  मात्र  प्रत्येक 

बॅग ची वेगवेगळी ....

***********************

पुढची पाटी वाचून थोडं

हसायला आलं....

आधी  आपल्या  खिशाकडून

 परवानगी घ्या..👜👝

मगच आपला वेळ

 शॉपिंग ला द्या

***********************

राग, लोभ,  प्रेम, द्वेष....

 मत्सर  आणि  कर्तव्य ...

अशा  भरून  ठेवल्या  होत्या...

काचेच्या बरण्या..

हवी ती घ्या..

हवी ती घ्या...

कारण..

 एका  वर  एक  आहे  फ्री ....

ओळखून आपली  प्रकृती..

**************************

इकडे तिकडे  लक्ष जात होतं..

थोडा विचार केला..तर

कोण कुठली बरणी घेतंय..

 म्हणून मी का अस्वस्थ होतोय..

***********************

आणि इथेच...😌

***********************

जे घ्यायला आलो होतो..

त्याच उत्तर  ..

पाटी  वर  लिहिलेल्या ..

सुचनांनी  मिळालं..

ते माझ्या स्वताच्या हातात होत...

फक्त ते आता ...

मन,मेंदू,आणि शरीराच्या

बॅग मधे भरायचं होत.

😊🙏

***********************

खरतर मनःशांती ही कधीच 

बाहेरून मिळत नाही. 

आपल्या जवळच असते 

त्याची जाणिव फक्त व्हावी लागते.